O misterio do Nadal

VENTO DOLCE

O recital de canto e piano “O MISTERIO DO NADAL" é unha proposta musical e visual especialmente pensada para adentrarmos de cheo no espírito do Nadal, empregando para elo algunha das páxinas máis recoñecibles da música relixiosa desde o Barroco ata a época contemporánea. A través dun repertorio para voz solista con pezas de moi diferente carácter, poderemos viaxar no tempo e na xeografía, desde algunha das panxoliñas máis fermosas da nosa lingua galega pasando por pezas de inspiración castelá, andaluza, e se nos imos un pouco máis lonxe chegamos a Francia, Inglaterra e... como a nosa pianista é de orixe Venezolana, porqué non cruzar o charco e saltar a Sudamérica?. Iso sí, sen esquecer aos compositores clásicos como Haendel ou Mozart.

O espectáculo, a maiores, leva asociadas unha serie de imaxes que se proxectan para ambientar e facilitar ao público a comprensión dos textos de cada unha das pezas. Tamén inclúese codigo QR no cartel e solto para colocar á entrada e en lugares visibles (por exemplo tras as butacas) coa finalidade de que o público poida consultar o programa en liña dende os seus dispositivos móbiles.